విజిట్ వీసాల పునరుద్ధరణ విషయమై సౌదీ అరేబియా తాజాగా కీలక ప్రకటన చేసింది. విజిట్ వీసాల రెన్యువల్‌పై కీలక ప్రకటన.. విజిటర్లకు ఇకపై తప్పనిసరిగా.. విజిట్ వీసాల పునరుద్ధరణ విషయమై సౌదీ అరేబియా తాజాగా కీలక ప్రకటన చేసింది. విజిట్ వీసాల రెన్యువల్‌కు కొత్త ఆరోగ్య బీమా ప్రీమియం చెల్లించాల్సి ఉంటుందని సౌదీ అరేబియా హెల్త్ ఇన్సూరెన్స్ కౌన్సిల్ స్పష్టం చేసింది. విజిట్ వీసా పొడిగించిన కాలానికి కొత్త ఆరోగ్య బీమా కవరేజీని పొందడం తప్పనిసరి అని జనరల్ డైరెక్టరేట్ ఆఫ్ పాస్‌పోర్ట్స్ట్వీ ట్ చేసింది. తవునియా, బుపా, మెడ్‌గల్ఫ్, గల్ఫ్ యూనియన్, అరేబియా షీల్డ్ కోఆపరేటివ్ ఇన్సూరెన్స్, అరేబియా కోఆపరేటివ్ ఇన్సూరెన్స్, అల్-ఎతిహాద్ కోఆపరేటివ్, అల్-సాగ్ర కోఆపరేటివ్ హెల్త్ ఇన్సూరెన్స్, ఏఎక్స్ఏ కోపఆరేటివ్, అలైడ్ కోఆపరేటివ్ ఇన్సూరెన్స్ వంటి లైసెన్స్ పొందిన బీమా కంపెనీల నుంచి మాత్రమే బీమా కవరేజిని పొందాలని సూచించింది. ఇక సింగిల్ ఎంట్రీ విజిట్ వీసాల గడువును 3నెలలకు పొడిగిస్తూ తీసుకున్న నిర్ణయానికి ఆ దేశ మంత్రిమండలి మంగళవారం (నవంబర్ 8న) ఆమోదం తెలిపింది. వీసా నిబంధనల్లో చేసిన సవరణల కారణంగా సింగిల్ ఎంట్రీ ఫ్యామిలీ విజిట్ వీసాలు నెల రోజులు చెల్లుబాటు అయితే, మల్టీపుల్ ఎంట్రీ వీసాలు 90 రోజులు చెల్లుబాటు అవుతాయని జవాజత్ చెప్పుకొచ్చింది
