కోల్‌క‌తాలోని ఓ బిల్డింగ్ నుంచి నోట్ల క‌ట్ట‌ల వర్షం కురిసింది.
న‌గ‌రంలోని బెంటిక్ స్ట్రీట్‌లో ఉన్న హోక్యూ మర్క‌న్‌టైల్ ప్రైవేటు లిమిటెడ్ సంస్థ ఆఫీసు వ‌ద్ద ఈ ఘ‌ట‌న జ‌రిగింది.
బిల్డింగ్‌లో డీఆర్ఐ అధికారులు సోదాలు నిర్వ‌హిస్తున్న స‌మ‌యంలో ఆర‌వ అంత‌స్తు నుంచి కొంద‌రు నోట్ల కట్టలను బ‌య‌ట‌కు విసిరేశారు.
బిల్డింగ్ నుంచి నోట్ల క‌ట్ట‌లు బ‌య‌ట‌ప‌డుతున్న దృశ్యాలు వీడియోకు చిక్కాయి.
అయితే ఆ బిల్డింగ్‌లోని ఆర‌వ అంత‌స్తులోనే డైర‌క్ట‌రేట్ ఆఫ్ రెవ‌న్యూ ఇంటెలిజెన్స్ అధికారులు సోదాలు చేప‌ట్టారు.
2వేలు, 500, వంద నోట్ల కట్టలను బిల్డింగ్ నుంచి విసిరేసిన‌ట్లు స్థానికులు చెబుతున్నారు.
బిల్డింగ్‌లో ఓ ప్రైవేటు కంపెనీ ఆఫీసులో సోదాలు చేసేందుకు డీఆర్ఐ అధికారులు అక్క‌డ‌కు వెళ్లారు.
ఆ స‌మ‌యంలో చీపుర‌క‌ర్ర‌ల‌తో కిటికీలోంచి నోట్ల కట్టలను విసిరేసిన‌ట్లు ప్ర‌త్య‌క్ష సాక్షులు చెబుతున్నారు.
ఈ ఘ‌ట‌న‌లో పోలీసులు కేసును న‌మోదు చేశారు.
కింద‌ప‌డ్డ నోట్ల కట్టలను కొంద‌రు సేక‌రిస్తున్న దృశ్యాలు కూడా వీడియోలో ఉన్నాయి.
