కాన్సర్ వ్యాధితో తీవ్ర అనారోగ్యానికి గురై ఎమ్మెల్యే, బసవతారకం కాన్సర్ హాస్పిటల్ చైర్మన్ నందమూరి బాలకృష్ణ సహాయంతో కోలుకుని ఇంటర్మీడియట్ పూర్తి చేసుకుని డిగ్రీలో చేరిన అనంతపురంకి చెందిన స్వప్న అనే విద్యార్థినికి అమెరికాలోని ఫిలడెల్ఫియా లో ఉంటున్న తానా కార్యదర్శి పొట్లూరి రవి లాప్ టాప్ కంప్యూటర్ ను ఈరోజు మాజీ గ్రంధాలయ సంస్థ చైర్మన్ గౌస్ మొహియుద్దీన్ ద్వారా అందించారు. గత డిసెంబర్లో స్వప్నను బసవతారకం కాన్సర్ హాస్పిటల్ లో తనను పరామర్శించానని, ఆమె విద్యాభ్యాసానికి వీలుగా కంప్యూటర్ అందిస్తున్నానని, భవిష్యత్తులో కూడా స్వప్నకు అండగా ఉంటానని పొట్లూరి రవి తెలిపారు.
