హయత్‌నగర్ తుర్కయంజల్ మునిసిపాలిటీలోని మునుగునూరూలో గల సెంటర్ ఫర్ సోషల్ సర్వీసెస్ ఆశ్రమ పాఠశాలకు ప్రవాసాంధ్రుడు, తానా ఫౌండేషన్ కోశాధికారి వల్లేపల్లి శశికాంత్, ఆయన సతీమణి, క్యూ హబ్ సీఈఓ ప్రియాంకలు నిత్యావసరాలు విరాళంగా అందజేశారు. ఈ సందర్భంగా వీరు మాట్లాడుతూ బాలికల కోసం ఆశ్రమం నిర్వహిస్తున్న వేమూరి విజయలక్ష్మిని అభినందించారు. వచ్చే విద్యా సంవత్సరం నుండి ఒక తరగతిని దత్తత తీసుకుని నిర్వహణను భరిస్తామని హామీ ఇచ్చారు. విద్యార్థినులు అందరూ బాగా చదువుకుని ఆత్మవిశ్వాసంతో ముందడుగు వేయాలని కోరారు. ఈ సందర్భంగా 30మంది విద్యార్థినులకు ₹5లక్షల ఉపకారవేతనాలను అందించారు. 50మంది విద్యార్థినుల కుటుంబాలకు నిత్యావసరాలు అందజేశారు.
