విజయ్ దేవర కొండ హీరోగా నటించిన సినిమా లైగర్ ). పూరీ జగన్నాథ్డై రెక్షన్ చేయడంతో పాటు నిర్మాతగా వ్యవహరించాడు. ఛార్మి కౌర్ సహ నిర్మాతగా వ్యవహరించింది. దాదాపుగా రూ.100కోట్ల భారీ బడ్జెట్తో ఈ చిత్రాన్ని రూపొందించారు. లైగర్ సినిమాకు పెట్టుబడులు పూరీ, ఛార్మిలకు అక్రమ మార్గంలో వచ్చాయని ఎన్ఫోర్స్మెంట్ డైరెక్టరేట్ (ఈడీ) అధికారులు పేర్కొన్నారు. డమ్మీ ఖాతాల నుంచి వారికి డబ్బులు వచ్చాయని చెప్పారు. విదేశీ అకౌంట్స్ నుంచి పలు లావాదేవీలు జరిపినట్టు గుర్తించారు. ఈ నేపథ్యంలో పూరీ, ఛార్మిలకు ఈడీ అధికారులు సమన్లు అందజేశారు. ఈ లావాదేవీల విషయంలో వారిద్దరిని ప్రశ్నిస్తున్నారు. ‘లైగర్’ పాన్ ఇండియాగా తెరకెక్కింది. పలు భాషల్లో ప్రేక్షకుల ముందుకు వచ్చింది. భారీ అంచనాల మధ్య విడుదలైన ఈ చిత్రం ప్రేక్షకులను ఆకట్టుకులేకపోయింది. బాక్సాఫీస్ వద్ద దారుణంగా పరాజయం పాలైంది. ‘లైగర్’ ను భారీ బడ్జెట్తో తెరకెక్కించడంతో.. డిస్ట్రిబ్యూటర్స్కు కూడా భారీ ధరలకు అమ్మారు. ఈ చిత్రం డిస్ట్రిబ్యూటర్స్కు నష్టాన్ని మిగిల్చింది. ఫలితంగా వారంతా నష్టపరిహారాన్ని ఇవ్వాలని పూరీ జగన్నాథ్ను కోరారు. ఇంటి ముందు ధర్నా చేస్తామంటూ హెచ్చరించారు. దీంతో తనకు భద్రతను కల్పించాలని కోరుతూ పూరీ జగన్నాథ్ పోలీసులను ఆశ్రయించాడు.