తెలుగు అసోసియేషన్‌ ఆఫ్‌ లండన్ TAL జాతీయ బ్యాడ్మింటన్‌షిప్స్‌ను విజయవంతంగా పూర్తి చేసింది. పశ్చిమ లండన్‌లోని ఆస్టర్లీ స్పోర్ట్స్‌, అథ్లెటిక్స్‌ సెంటర్‌లో మార్చి 16-, ఏప్రిల్‌ 6న పోటీలు నిర్వహించింది. లండన్‌తో పాటు యూకేలోని ఇతర సమీప కౌంటీల నుంచి ఔత్సాహిక తెలుగు ఆటగాళ్లు ఈ పోటీల్లో పాల్గొన్నారు. మెన్స్‌ డబుల్స్‌, మెన్స్‌ 40+ డబుల్స్‌, మిక్స్‌డ్‌ డబుల్స్‌, విమెన్స్‌ డబుల్స్‌, విమెన్స్‌ 35+ డబుల్స్‌, అండర్‌-16.. ఇలా వివిధ కేటగిరీలలో కలిపి మొత్తంగా 250 మంది బ్యాడ్మింటన్ ప్లేయర్లు ఇందులో భాగమయ్యారు. టాలీవుడ్‌ ప్రముఖ హాస్య నటులు అలీ విజేతలకు బహమతులు అందజేశారు.
రవి సబ్బ (చైర్మన్), కిరణ్ కప్పెట (వైస్ చైర్మన్) అలీకి ధన్యవాదాలు తెలిపారు. ఈ కార్యక్రమం విజయవంతం కావడానికి తోడ్పడిన వాలంటీర్స్ కు, క్రీడాకారులకు, కార్యకర్తలు సుధాకర్ గుబ్బల (కోర్ టీమ్), బాలాజీ కల్లూరు (కోర్ టీమ్), అనిల్ రెడ్డి (కోర్ టీమ్), రాజేష్ వీరమాచనేని, రాజేష్ తోలేటి (TAL మాజీ వైస్ చైర్మన్/కోశాధికారి), వెంకట్ నీల (ట్రస్టీ – నిధుల సేకరణ), అనిల్ అనంతుల (ట్రస్టీ – మెంబర్‌షిప్ & ట్రెజరర్), రాయ్ బొప్పన (ఐటీ ఇన్‌ఛార్జ్)కు ప్రత్యేక కృతజ్ఞతలు తెలిపారు.
👉 – Please join our whatsapp channel here –
https://whatsapp.com/channel/0029Va9VucP7oQhZ7fePda2Z
