క్రైస్తవులు బైబిల్‌ను తమ పవిత్ర గ్రంథంగా భావిస్తారన్న విషయం తెలిసిందే. అయితే కోడెక్స్ సాసూన్ అనే హీబ్రు బైబిల్ ప్రపంచంలోనే అతి పురాతమైన బైబిల్‌లో ఒకటి. అయితే అమెరికాలోని న్యూయార్క్‌లో ఈ బైబిల్‌ను అమ్మకానికి పెట్టారు. దాదాపు 1100 ఏళ్ల నాటి ఈ బైబిల్‌ను చాలామంది పోటిపడ్డారు. చివరికి ఈ బైబిల్ రూ.314 కోట్లకు ధర పలికింది. చేతితో రాసిన ఈ బైబిల్ ప్రపంచంలోనే అత్యధిక ధర పలికిన బైబిల్‌గా నిలిచిందని నిర్వాహకులు తెలిపారు.
అయితే ఈ బైబిల్‌ను రొమేనియాలో అమెరికా మాజీ రాయబారి ఆల్ఫ్రెడ్‌ బి.మోసెస్‌ దీన్ని కొనుగోలు చేశారు. ఇజ్రాయెల్‌లోని టెల్‌ అవీవ్‌లో ఉన్న మ్యూజియం ఆఫ్‌ జ్యూయిష్‌ పీపుల్‌కు ఈ బైబిల్‌ను విరాళంగా ఇచ్చారు. క్రీస్తు శకం 880 నుంచి 960 మధ్యకాలంలో ఈ బైబిల్‌ను రాసి ఉంటారని చరిత్రకారులు చెబుతున్నారు. రాతపత్రుల్లో 2021లో అమెరికా రాజ్యాంగం దాదాపు రూ.400 కోట్లకు పైగా ధర పలికింది. అలాగే లియోనార్డో డావిన్సీ రాసిన కోడెక్స్ లీసెస్టర్‌ అనే పుస్తకంపై 1994లో వేలం వేశారు. అప్పట్లోనే ఈ బుక్ రూ.300 కోట్లకు పైగా అమ్ముడుపోయింది.
