ఈ చిత్రంలోని యువకుడి వేషధారణ చూస్తే ఎవరైనా బొగ్గు గని కార్మికుడు అనుకుంటారు. నిజానికి అతను పంట చేల కాపలాదారుడు. ఆదిలాబాద్ గ్రామీణ మండలం లోహారి గ్రామానికి చెందిన ఈ యువకుడి పేరు పండర బొజ్జు. రాత్రి వేళల్లో వెళ్తున్నప్పుడు దారిలో క్రిమికీటకాలు, పాములు, అడవి పందులతో ప్రమాదాలు ఎదుర్కొనేవాడు. పొలంలో జంతువుల అలికిడి వినిపిస్తున్నా.. వెళ్లి చూద్దామంటే చేతిలో ఉన్న టార్చిలైటు వెలుగు సరిపోయేది కాదు. ఈ సమస్యలను అధిగమించేందుకు సింగరేణి కార్మికులు గనుల్లో తలకు ధరించే బ్యాటరీ లైటు తరహాలో తయారు చేసుకోవాలని ఆలోచించాడు. ఎలక్ట్రికల్‌ దుకాణం వారిని అడిగి అవసరమైన వస్తువులు కొనుగోలు చేశాడు. ఎలా తయారు చేయాలో వారి ద్వారానే కొంత అవగాహన తెచ్చుకున్నాడు. తరువాత యూట్యూబ్‌లోనూ చూసి ఎక్కువ వెలుగు వచ్చే బ్యాటరీ లైటును రూపొందించాడు. పగటి పూట ఛార్జింగ్‌ చేస్తే రాత్రంగా పని చేస్తోందని చెబుతున్నారు.
👉 – Please join our whatsapp channel here –
https://whatsapp.com/channel/0029Va9VucP7oQhZ7fePda2Z
