భోజనం చేసిన వెంటనే అరటిపండు తింటున్నారా..
చాలా మంది తిన్న వెంటనే అరటిపండ్లు తింటారు. అది మంచిదని అంటారు.. కానీ అది ఏమాత్రం మంచిది కాదని చెబుతున్నారు నిపుణులు..
అరటిపండ్లు.. ఆరోగ్యానికి చాలా మంచిది.. అందరిక అందుబాటులో ఉండే ఈ పండ్లు తినడం వల్ల అనేక ప్రయోజనాలు ఉంటాయి. అందుకే అరటిపండ్లు కొనడానికి, తినడానికి కూడా చాలా మంది ఆసక్తి చూపుతారు. ఇందులోని యాంటీ యాక్సిడెంట్స్, విటమిన్స్, మినరల్స్ శరీరానికి మేలు చేస్తాయి..
అరటిపండు.. ఏ సీజన్‌లో అయినా.. అందరికీ అందుబాటులో ఉండే ఈ పండుని అంతా ఇష్టపడతారు. తీసుకుంటారు. వీటిని తినడం వల్ల ఎన్నో ఆరోగ్యప్రయోజనాలు మనకి అందుతాయి. ముఖ్యంగా వీటి ధర కూడా తక్కువే. కాబట్టే.. చాలా మందికి ఇది అందుబాటులో ఉండే ఆరోగ్యకరమైన పండు..
అరటిపండులో ఎన్నో పోషకాలు ఉంటాయి. దీనిని డైలీ డైట్‌లో చేర్చుకోవడం వల్ల జీవక్రియలకు మేలు జరగడమే కాకుండా మంచిది కూడా. ఈ పండులో యాంటి యాక్సిడెంట్స్, విటమిన్స్, మినరల్స్ పుష్కలంగా ఉంటాయి. ముఖ్యంగా ఇందులోని పొటాషియం బీపిని తగ్గించి గుండె పనితీరుని మెరుగుపరుస్తుంది. పిల్లల ఎదుగుదలకు కూడా ఈ పండు ఎంతో మంచిది.
అదేవిధంగా.. అరటి పండ్లలో విటమిన్ ఎ, బి, సి పుష్కలంగా ఉంటాయి. ఈ పండ్లల్లో పొటాషియం కంటే సోడియం తక్కువ ఉంటుంది. ఇది రక్తపోటు ఉన్నవారికి చాలా మంచిది. పొటాషియం రక్తపోటును తగ్గించడంలో కీ రోల్ పోషిస్తుంది. దీంతో పాటు.. మలబద్ధకం సమస్య ఉన్నవారు ఈ పండును కచ్చితంగా నెలరోజులు తింటే.. ఆ సమస్య తగ్గుతుంది. ఇందులోని ఫైబర్ ఆ సమస్యని దూరం చేస్తుంది.
ఇక చాలా మంది భోజనం చేసిన తర్వాత పండ్లు తినడం అలవాటు ఉంటుంది. అలాంటి వారు రెగ్యులర్‌గా అరటిపండ్లు తింటారు. ఇవి తక్కువ ధరకి దొరుకుతాయి.. ఆరోగ్య ప్రయోజనాలు కూడా ఉన్నాయి. సో, వీటిని తీనేస్తుంటారు. కానీ, భోజనం తర్వాత మాత్రం అరటిపండు తినొద్దని చెబుతున్నారు నిపుణులు…
తిన్న వెంటనే అరటిపండు తింటే ఏమవుతుందంటే.. ఊపిరితిత్తుల్లో మ్యూకస్ ఏర్పడుతుందని.. దీని వల్ల జలుబు అవుతుందని.. అది చాలా వరకు తగ్గదని చెబుతున్నారు. అయితే, మధ్యాహ్న సమయంలో తిన్న వెంటనే తీసుకుంటే మంచిదేని చెబుతున్నారు. అదే విధంగా.. కొంతమంది ఖాళీ కడుపుతో పరగడుపునే ఈ పండుని తింటారు. ఇది కూడా మంచిది కాదని చెబుతున్నారు నిపుణులు. ఇలా చేయడం వల్ల శరీరంలో చక్కెరలు తక్షణ శక్తిని అందిస్తాయని.. ఆ తర్వాత వెంటనే అలసటగా ఉంటుందని చెబుతున్నారు. కాబట్టి అరటిపండు తినేటప్పుడు ఈ విషయాన్నీ దృష్టిలో పెట్టుకోవాలని చెబుతున్నారు.
