ఈమధ్య రాశీఖన్నా వ్యాఖ్యలు, దానిపై కామెంట్లు ఎక్కువ అవుతున్నాయి. దక్షిణాది సినీ పరిశ్రమను రాశి విమర్శించినట్లు వచ్చిన వార్తలు వేడెక్కాయి. అయితే అవన్నీ నిజం కాదంటూ స్పందించింది. “దక్షిణాది చిత్ర పరిశ్రమల్ని దూషిస్తూ వ్యాఖ్యలు చేశాననడం నిజంకాదు. నేను ఏ భాషలో సినిమాలు చేసినా ఆ భాషపట్ల, చేసిన సినిమా పట్ల నాకెంతో గౌరవ మర్యాదలుంటాయి. దయచేసి నాపై అసత్య ప్రచారాలు మానేయండి” అంటున్న రాశి చేతిలో తెలుగులో ‘పక్కా కమర్షియల్’, ‘థ్యాంక్యూ’ సినిమాలు, హిందీలో ‘యోధ’ చిత్రాలున్నాయి.