టిటిడి ఈఓ(ఎఫ్ఎసి)గా శ్రీ అనిల్ కుమార్ సింఘాల్ బాధ్యతలు స్వీకరణ
టిటిడి ఈఓ(ఎఫ్ఎసి)గా శ్రీ అనిల్ కుమార్ సింఘాల్ శుక్రవారం ఉదయం శ్రీవారి ఆలయంలో బాధ్యతలు స్వీకరించారు. ఆలయంలోని రంగనాయకుల మండపంలో ఈ కార్యక్రమం జరిగింది.
అనంతరం బంగారు వాకిలి వద్ద ప్రమాణ స్వీకారం చేశారు. అదనపు ఈఓ(ఎఫ్ఎసి) శ్రీ వీరబ్రహ్మం వీరి చేత ప్రమాణ స్వీకారం చేయించారు. అనంతరం రంగనాయకుల మండపంలో వేద పండితులు వేదాశీర్వచనం అందజేశారు. ఈ సందర్భంగా అదనపు ఈఓ(ఎఫ్ఎసి) శ్రీ వీరబ్రహ్మం, జెఈఓ శ్రీమతి సదా భార్గవి కలిసి శ్రీవారి తీర్థప్రసాదాలు, చిత్రపటాన్ని అందించారు.
ఈ కార్యక్రమంలో సివిఎస్వో శ్రీ నరసింహ కిషోర్, డెప్యూటీ ఈఓలు శ్రీమతి కస్తూరి బాయి, శ్రీ రమేష్ బాబు, శ్రీ హరీంద్రనాథ్ తదితరులు పాల్గొన్నారు.
————————————————————-
టిటిడి ప్రజాసంబంధాల అధికారిచే విడుదల చేయడమైనది.
