ప్రభుత్వ పాఠశాలల తనిఖీల పేరుతో ఇప్పటివరకు ఉపాధ్యాయులను హడలెత్తించిన ముఖ్యకార్యదర్శి ప్రవీణ్‌ ప్రకాశ్‌.. ఇప్పుడు వాట్సప్‌ వీడియో కాల్‌ తనిఖీలకు సిద్ధమయ్యారు. ఈనెల 27న సాయంత్రం 6.30గంటలకు వాట్సప్‌లో విద్యార్థుల ఇళ్లకు ఫోన్‌ చేసి నోటుబుక్స్‌, వర్క్ బుక్స్‌తోపాటు సమ్మెటివ్‌-1 పరీక్షకు సిలబస్‌ పూర్తి చేయడాన్ని పరిశీలిస్తానని, ఈ సమాచారాన్ని ఉపాధ్యాయులందరికీ పంపించాలని జిల్లా విద్యాధికారులకు ఆదేశాలు జారీ చేశారు. వాట్సప్‌ వీడియో కాల్‌లో పిల్లల నోటుబుక్స్‌, వర్క్ బుక్స్ చూపించేలా విద్యార్థుల తల్లిదండ్రులకు అవగాహన కల్పించాలని, పరీక్షలకు సిలబస్‌ పూర్తికాని పరిస్థితి ఉండకూడదని సూచించారు.
👉 – Please join our whatsapp channel here –
https://whatsapp.com/channel/0029Va9VucP7oQhZ7fePda2Z
