ఒకే ఒక్క పాత్రతో తెరకెక్కిన చిత్రం ‘105 మినిట్స్’. ప్రముఖ కథానాయిక హన్సిక ప్రధాన పాత్ర పోషించగా… రాజు దుస్సా దర్శకత్వం వహించారు. బొమ్మక్ శివ నిర్మించారు. ఈ సినిమా ఈ నెల 26న ప్రేక్షకుల ముందుకొస్తోంది. ఈ సందర్భంగా ఇటీవల హైదరాబాద్లో ట్రైలర్ని విడుదల చేశారు. హన్సిక మాట్లాడుతూ ‘‘ఇలాంటి ఓ ప్రయోగాత్మక చిత్రం నా కెరీర్లో ఉండటం అదృష్టంగా భావిస్తున్నా. నటిగా నాకు ఇదొక అనుభవం. 34 నిమిషాల షాట్ని ఒకే టేక్లో చేశాం. అందుకోసం 8 రోజులుపాటు రిహార్సల్స్ చేశా. ఇలాంటి మరెన్నో ప్రయోగాలు సినిమాలో ఉంటాయి. సామ్ సీఎస్ సంగీతం ఈ సినిమాకి మరొక ప్రధాన పాత్రగా మారింది. ప్రేక్షకుల్ని తప్పకుండా మెప్పిస్తుందీ చిత్రం’’ అన్నారు. దర్శకుడు మాట్లాడుతూ ‘‘తొలిసారి దర్శకత్వం వహిస్తున్న నన్ను, కంటెంట్ని నమ్మి ఈ సినిమా నిర్మించడానికి ముందుకొచ్చిన నిర్మాతకి కృతజ్ఞతలు. అందరూ కలిసి ఒక మంచి చిత్రాన్ని ప్రేక్షకుల ముందుకు తీసుకొస్తున్నాం’’ అన్నారు.
👉 – Please join our whatsapp channel here –
https://whatsapp.com/channel/0029Va9VucP7oQhZ7fePda2Z
