విజయవాడ టాప్ స్టార్స్ హాస్పిటల్స్ ఆధ్వర్యంలో గుంటూరు జిల్లా పుల్లడిగుంటలో ఉచిత వైద్య శిబిరాన్ని గురువారం నాడు నిర్వహించారు. వర్జీనియాకు చెందిన ప్రవాసాంధ్రుడు ఉప్పుటూరి రామ్ చౌదరి తన స్వగ్రామంలో ఈ వైద్య శిబిరం నిర్వహణకు సహకారాన్ని అందించారు. అనంతరం ఆ గ్రామానికి చెందిన పది మంది చిరు వ్యాపారులకు తోపుడుబండ్లను అందజేశారు. గ్రామంలోని పేదలకు దుస్తులు పంపిణీ చేశారు. టాప్ స్టార్స్ ఆసుపత్రికి చెందిన ఐదుగురు వైద్యులు, 20 మంది సిబ్బంది రోగులకు ఉచితంగా పరీక్షలు, మందులను అందజేశారు.
