కరోనా చుట్టూ ఇప్పుడు ఫ్యాషన్ ప్రపంచమూ తిరుగుతున్నది. దానికి ఉదాహరణే ఈ నగలు. రష్యాకి చెందిన డాక్టర్‌ వోరోబియో ఈ లాకెట్టు సృష్టికర్త. అతను ఆరోగ్య, విజ్ఞాన రంగాలకు సంబంధించిన నమూనాలతో నగలు ఉత్పత్తి చేయడంలో దిట్ట. వైరస్ మైక్రోస్కోపిక్‌ చిత్రం ఆధారంగా ఓ లాకెట్టును తయారు చేశాడు. వెండితో చేసిన ఆ లాకెట్‌ ధర 1000 రూబెల్స్‌. ప్రపంచవ్యాప్తంగా దీన్ని 1000 మంది దాకా కొనుగోలు చేశారు. ఈ పెండెంట్‌ని డాక్టర్లు, నర్సులు.. ఇతర ఆరోగ్య కార్యకర్తల త్యాగాలకు గుర్తుగా రూపొందిస్తున్నట్లు వోరోబియో ప్రకటించాడు. అయితే కొంతమంది ప్రాణాంతక వైరస్‌ని ఇలా మెడలో అలంకరించుకోవడం ఏమిటని ఆక్షేపిస్తున్నారు. మరికొందరు దీన్ని ప్రేరణగా తీసుకొని కొత్త రూపాలతో పెండెంట్‌లు తయారు చేస్తున్నారు.
