తెలుగు చిత్రసీమలో కమెడియన్‌గా, క్యారెక్టర్‌ ఆర్టిస్టుగా మంచి గుర్తింపును సంపాదించుకున్నారు రాహుల్‌ రామకృష్ణ. ‘అర్జున్‌రెడ్డి’ చిత్రం ఆయనకు మంచి పేరును తెచ్చిపెట్టింది. ప్రస్తుతం వరుస సినిమాలతో బిజీగా ఉన్న రాహుల్‌ రామకృష్ణ త్వరలో పెళ్లి చేసుకోబోతున్నారు. ఈ విషయాన్ని తన ట్విట్టర్‌ ఖాతా ద్వారా ఆయన వెల్లడించారు. ఈ సందర్భంగా తన ప్రియురాలితో ఉన్న ఓ ఫొటోను పంచుకున్నారు. ‘ఎట్టకేలకు పెళ్లికి సిద్ధమవుతున్నా.త్వరలోనే వివాహం’ అని రాహుల్‌ రామకృష్ణ పేర్కొన్నారు. ప్రస్తుతం ఈ ఫొటో సోషల్‌మీడియాలో వైరల్‌గా మారింది. అయితే కాబోయే జీవిత భాగస్వామి తాలూకు ఏ వివరాల్ని వెల్లడించలేదు. రాహుల్‌ రామకృష్ణ పెళ్లి చేసుకోబోతున్నారనే వార్త తెలుసుకున్న అభిమానులు ఆయనకు శుభాకాంక్షలందజేస్తున్నారు.
