చైనా కన్నా అధికంగా ఇటలీలో కొరోనా మృతులు

కొరోనా వైరస్ కారణంగా మరణించిన వారి సంఖ్య చైనా కన్నా ఇటలీలో అధికంగా ఉంది. ఇప్పటివరకు చైనాలో 3249 మంది మృతి చెందగా, ఇటలీలో 3405 మంది మరణించారు. ఒక్క గురువారం నాడే 427మంది ఇటలీలో ఈ వైరస్ బారిన పడి కన్నుమూశారు. 2020 ఆరంభంలొ చైనాలోని వూహాన్‌లో మొదలైన ఈ మహమ్మారి ఐరోపా దేశాలకు విస్తరించింది. ఈ క్రమంలో ఇటలీలోకి ప్రవేశించిన ఈ వైరస్ ఫ్యాషన్ రాజధాని అయిన మిలాన్ ఉన్న ఉత్తర లాంబర్డీ ప్రాంతంలో తన పంజా విసిరింది. ఇటలీ దేశంలో ప్రస్తుతం అత్యయిక పరిస్థితి నడుస్తోంది.