ప్రవాసాంధ్ర ప్రముఖుడు, హైదరాబాద్‌కు చెందిన Qhub సంస్థ వ్యవస్థాపకుడు వల్లేపల్లి శశికాంత్-ప్రియాంక దంపతులు రంగారెడ్డి జిల్లా ఇబ్రహీంపట్నంలోని స్ఫూర్తి జ్యోతి ఫౌండేషన్ ఆధ్వర్యంలో నిర్వహిస్తున్న అంధుల పాఠశాలకు గణతంత్ర దినోత్సవం నాడు చేయూతనందించారు. ఈ ఆశ్రమంలో ఆశ్రయం పొందుతున్న 39మంది అంధ విద్యార్థులకు బ్రెయిలీ లిపి పుస్తకాలు, నిత్యావసరాలను అందజేశారు. దీనికి పూర్వం జెండావందనం కార్యక్రమంలో విద్యార్థులతో వల్లేపల్లి దంపతులు పాల్గొన్నారు. వీరి చేయూతకు ఫౌండేషన్ నిర్వాహకుడు పొట్లూరి గంగాప్రసాద్ ధన్యవాదాలు తెలిపారు.
