నచ్చిన డ్రెస్ అప్పుడే రంగు వెలిసిపోతే… ఇష్టంగా కొనుక్కున్న చుడీదార్ కళావిహీనంగా మారితే… బాధేస్తుంది. మరి దుస్తులు రంగు వెలిసిపోకుండా, కొత్తవాటిలా కనిపించాలంటే ఏం చేయాలో చూద్దామా…
ఉప్పు: దుస్తులు రంగు పోకూడదంటే… ముందుగా వాటిని ఉప్పు కలిపిన నీటిలో కాసేపు ఉంచి ఆ తరువాత ఉతకాలి. ఉప్పు లోని క్లోరైడ్ దుస్తుల నుంచి రంగు వదలకుండా చేస్తుంది.
చల్లటినీళ్లు: కొత్త దుస్తులను మొదట చల్లటి నీటిలో వేసి తీయాలి. ఆ తరువాత ఈ నీటిలోనే కొద్దిగా డిటర్జెంట్ వేసి వాటిని నానపెట్టాలి. పది నిమిషాలాగి ఉతికేస్తే ఏ ఇబ్బందీ ఉండదు.
వెనిగర్: దుస్తులను ముందుగా వెనిగర్ వేసిన నీటిలో ముంచి తీయాలి. ఆ తరువాతే డిటర్జెంట్ వాడాలి. ఇలా చేస్తే దుస్తులు రంగును కోల్పోవు.
వంటసోడా: ఇది రంగును పోకుండా కాపాడటమే కాదు… అవి మృదువుగా, దుర్వాసన లేకుండానూ ఉంటాయి. దుస్తుల్ని బట్టి వంటసోడాను ఎంచుకుంటే చాలు.
సూచనలు చదవండి: మీ దుస్తులను ఎలా ఉతకాలనేది వాటిపై ఉండే లేబుల్ చెబుతుంది. ఏ నీరు వాడాలి… ఎలాంటి డిటర్జెంట్ ఉపయోగించాలనేది దానిపై చూసి ఆ విధంగానే చేయాలి. ఆ నిబంధనలను పాటిస్తే రంగు వెలిసిపోకుండా ఉంటాయి.
తిరగేయాలి: దుస్తులను ఉతికే ముందు వాటిని తిరగేసి పిండి చూడండి. అలా చేయడం వల్ల రంగు పోవు. తక్కువ గాఢత ఉండే డిటర్జెంట్లు దుస్తుల నుంచి రంగును వేరు చేయవు.
విడివిడిగా: ముదురు, లేత రంగుల దుస్తులను కలిపి కాకుండా… వేటికవే వేరుచేసి ఉతికినా ఏ సమస్యా ఉండదు. ప్రయత్నించి చూడండి.
ఉప్పు కలిపిన నీటితో ఉతికితే వెలిసిపోవు
Related tags :