తెలంగాణ సీఎం కేసీఆర్‌పై కాంగ్రెస్ ఎంపీ రేవంత్ రెడ్డి మరోసారి సంచలన వ్యాఖ్యలు చేశారు. గత కొన్నిరోజులుగా తమ డిమాండ్లు పరిష్కరించాలని తెలంగాణ ఆర్టీసీ కార్మికులు సమ్మెకు దిగిన సంగతి తెలిసిందే. ఈ వ్యవహారంపై రేవంత్ మాట్లాడుతూ.. కేసీఆర్‌పై తీవ్ర ఆరోపణలు చేశారు. రూ. 85 వేల కోట్ల ఆర్టీసీ ఆస్తులపై కేసీఆర్ కన్నేశారన్నారు. ప్రభుత్వంతో కొట్లాడి ఆర్టీసీ కార్మికులు హక్కుల సాధించుకోవాలన్నారు. ఆర్టీసీ కార్మికులు ఆత్మహత్యలకు పాల్పడవద్దని ఈ సందర్భంగా ఆయన సూచించారు. రేపటి బంద్‌లో కాంగ్రెస్ శ్రేణులు పాల్గొనాలని రేవంత్ పిలుపునిచ్చారు.
