అమిత్ షా ప్రస్తుతం తమిళనాడు పర్యటనలో ఉన్నారు. శనివారం రాత్రి ఆయన చెన్నై విమానాశ్రయానికి చేరుకున్నారు. ఆయనకు స్వాగతం పలికేందుకు బీజేపీ కార్యకర్తలు ఇక్కడకు చేరుకున్నారు. షా ఎయిర్‌పోర్టు నుంచి బయటకు వచ్చి రోడ్డు వైపు కారు ఎక్కగానే లైట్లు ఆరిపోయాయి. దీంతో బీజేపీ కార్యకర్తలు రభస సృష్టించారు. ప్రభుత్వం ఉద్దేశపూర్వకంగానే ఈ పని చేసిందన్నారు. తమిళనాడు సీఎం ఎంకే స్టాలిన్ శనివారం సేలంలో డీఎంకే ఆఫీసు బేరర్లను ఉద్దేశించి మాట్లాడారు. ఈ సందర్భంగా ఆయన మాట్లాడుతూ గత తొమ్మిదేళ్లలో తమిళనాడులో కేంద్రం ఏం సాధించిందో తెలుసుకోవాలన్నారు. తమిళనాడుకు కేంద్రం ఏం చేయలేదని ఎద్దేవా చేశారు.
అమిత్షా చెన్నై పర్యటనకు కొన్ని గంటల ముందు కేంద్ర ప్రభుత్వంపై తీవ్ర స్థాయిలో విమర్శలు గుప్పించారు. మోడీ ప్రభుత్వం తొమ్మిదేళ్లలో సాధించిన విజయాలను వివరించేందుకు ఇవాళ తమిళనాడులోని వెల్లూరులో నిర్వహించనున్న బహిరంగ సభలో హోంమంత్రి అమిత్ షా పాల్గొననున్నారు. రాష్ట్ర అవసరాలకు సంబంధించి సీఎం స్టాలిన్ జాబితా రూపొందించారు. వాటిని నెరవేర్చే ధైర్యం తనకు ఉందా అని షాకు సవాల్ విసిరారు. హోంమంత్రి అమిత్ షా చెన్నై వస్తున్నారని గత రెండు రోజులుగా పత్రికల్లో చదువుతున్నానని సీఎం స్టాలిన్ అన్నారు. ఇదంతా 2024 ఎన్నికల సన్నాహాల్లో భాగమే. అయితే, తమిళనాడు ప్రజలకు మేలు చేసిన వాటి జాబితాను ఇవ్వగలరా అని తాను అడగాలని అనుకుంటున్నట్లు తెలిపారు.బీజేపీ ఏ సమయంలోనైనా పెద్ద నిర్ణయం తీసుకోవచ్చని స్టాలిన్ పేర్కొన్నారు. త్వరలో ఆయన ఎన్నికల ప్రకటన చేసే అవకాశం కూడా ఉంది. కర్ణాటకలో బీజేపీకి ఓటమి భయం పట్టుకుందన్నారు. 2015 బడ్జెట్ సెషన్‌లో ఆర్థిక మంత్రి అరుణ్ జైట్లీ పదవీకాలాన్ని గుర్తు చేస్తూ.. తమిళనాడుకు ఆ సమయంలోనే మధురై ఎయిమ్స్ వచ్చిందన్నారు. కానీ ఇతర రాష్ట్రాలతో పోలిస్తే దీని నిర్మాణ పనుల్లో వేగం కనిపించలేదన్నారు. వెయ్యి కోట్ల రూపాయలు కేటాయించే మనసు కూడా లేదంటూ చురకలు అంటించారు. బీజేపీ నేత ప్రీతీ గాంధీ హోంమంత్రి భద్రతపై భారీ లోపాన్ని చెప్పారు. ట్వీట్ చేస్తూ 30 నిమిషాల పాటు లైట్ వెలగలేదని రాశారు.
